Railway stations pe passengers ko behtar facilities milti rahein aur unko milne wali facilities ko aur behtar kiya ja sake, iske liye har ek railway station pe panch member ki advisory committee bana di gai hai. Ye committee station pe passengers ke sambandh mein department ko time-time pe suchaav degi. Isse...
more...

passengers ko station pe behtar facilities mil sakengi. Pehle to mandal level pe advisory committee banaai jaati thi jisme har district ke log members hote the. Ab railway department har station pe passenger advisory committee banaane ki kavaiyad shuru kar di hai. Iske tahat Hardoi station ke alawa Sandi, Aanjhi, Balamu, Bagauli, Todarpur, Kaunda sahit sabhi stations pe panch member ki advisory committee banaai jaa rahi hai. Ye committee station pe passengers ko milne wali facilities pe nazar rakhenge aur saal mein teen bar hone wali meeting mein apne suchaav rakhenge. Senior Divisional Commercial Manager Sudhir Singh ke anusar, kai stations pe advisory committee ban chuki hai. Kuchh baaki hain, jinki process chal rahi hai. Jaldi hi committee ki pehli meeting aayojit ki jaegi.