Fog ke samay mein train delay aur passengers ki problem kam karne ke liye, East Central Railway ke General Manager, Anil Kumar Khandelwal, ne saare mail/express aur passenger trains mein fog safety devices lagane ka order diya hai. Yeh GPS-based device loco pilots ko aage aane wale signals ki warning deta...
more...

hai, jisse woh trains ki speed control kar sakte hain. Iske alawa fogmen bhi deploy kiye ja rahe hain, jo kuhare ke samay mein rail line par signal ki situation ki monitoring karenge. Linemen aur patrolmen ko GPS tracker diya gaya hai, taki unki khud ki safety ke saath-saath special situations mein information jaldi se bheji ja sake. Signals ki visibility badhane ke liye signal sighting board, fog signal post, zyada busy sampar ke lifting barrier etc ko rangkar chamkilaya gaya hai. Signal aane ke pehle rail patari par safed chune se nishan banaya gaya hai, taki loco pilots kuhaase mein signal ko lekar zyada satark ho jaaye. Rail karmchariyon ki suraksha advisors dwara lagatar counseling bhi ki jaa rahi hai. Sampar phatak par taiyaat gateman aur aam logon tak train guzarne ki information mil sake, isliye train ke chalak sampar phatak ke kaafi pehle se lagatar horn bajakar sanket denge.